«Օրենքով գողին» թույլ չտվեցին շնորհավորել «գործընկերոջը» (տեսանյութ)
Ինչպես գրում է «Прайм Крайм» գործակալությունը, հուլիսի 26-ին Օդեսայում ուկրաինական ոստիկանները ձերբակալել են 62-ամյա «օրենքով գող» Գեորգի Մելիքաձեին, որը քրեական աշխարհում ավելի շատ հայտնի է որպես Գիյա Բաթումսկի։ Նույն օրը նրան արտաքսել են Ուկրաինայից՝ արգելելով երկրի մուտք գործել առաջիկա 5 տարվա ընթացքում։
«Прайм Крайм»-ի տեղեկություններով՝ Մելիքաձեն Օդեսսա էր ժամանել, որպեսզի անձամբ շնորհավորի տեղի գողական աշխարհի պատրիարք Վլադիմիր Դրիբնիին (մականունը՝ Պոլտավա)՝ վերջինիս 75-ամյակի առթիվ։ Գործակալությունը նշում է, որ նրան շնորհավորելու համար Ուկրաինա են ժամանել մեծ թվով քրեական հեղինակություններ տարբեր երկրներից։
Միքելաձեն համարվում է, այսպես կոչված, գողական «հին դպրոցի» ներկայացուցիչ։ Ինչպես և նրանց սազական է՝ Գիյան վարում է չափազանց համեստ և զուստ կյանք, ինչի արդյունքում նա թեպետ հայտնվել էր երիտասարդ գողերի ստվերում, սակայն չէր գրավում իրավապահների ուշադրությունը։
