Վարորդներին ցանկանում են համոզել արհմիություն ստեղծել
Ֆեյսբուքում ստեղծվել է «Երթուղային վարորդների անկախ արհմիության աշխատանքային խումբ»: Ըստ հեղինակների՝ նախաձեռնության նպատակն է՝ ստեղծել արհմություն, դրա միջոցով հանրային օրակարգ բարձրացնել աշխատանքային իրավունքների խնդիրները և հասնել վարորդների աշխատանքային պայմանների բարելավման (աշխատանքային ժամեր, եկամուտ)։ Նախաձեռնության հեղինակները մանրամասնել են նաև առաջին շրջանում իրենց գործողությունները։ Որոնք ներկայացնում ենք առանց մեկնաբանության։
* * *
Առաջին շրջանի գործողություններ
Առաջին փուլում գնալու է վարորդների համոզելու աշխատանք, որպեսզի ուզենան արհմիություն ստեղծել
Երկրորդ փուլը կլինի միության իրավական ձեւակերպումը
Երրորդ փուլը արդեն խնդիրների հստակ ձևակերպումներ և տարբեր գործողություններ` գործադուլ, միտինգներ, իրազեկում և այլն
Թռուցիկ պատրաստել վարորդների աշխատանքային իրավունքի մասին և կոչ անել ինքնակազմակերպվելու
Ընտրել մի 4-5 գիծ, գնալ վերջին կանգառները և զրուցել վարորդների հետ, համոզել արհմություն կազմակերպել
Ուսումնասիրել արհմիություն ստեղծելու համար իրավական հիմքը և ձևերը
Ունենալ հստակ պատկերացում, թե որքանով են խախտվում վարորդների իրավունքները, քանի ժամ են աշխատում, որքան են վճարվում, իրականում ու դա կայուն հիմք կհանդիսանա իրավախախտումները ի հայտ բերելու համար:
