Թմրանյութ` աղավնաբնում
Հուլիսի 25-ին, ժամը 15.00-ին, ոստիկանության Նաիրիի բաժնի ծառայողները Եղվարդ քաղաքի Երևանյան փողոցի թիվ 6 շենքի դիմաց գտնվող, 1975 թ. ծնված Կարեն Մ.-ին պատկանող աղավնաբնում, զննություն կատարելիս, հայտնաբերել են ծխախոտի տուփ` կանեփանման չորացված զանգվածով:
Կարեն Մ.-ն խոստովանել է, որ հայտնաբերված զանգվածը պատկանում է իրեն: Հայտնաբերվածն ուղարկվել է փորձաքննության:
Կարեն Մ.-ն բերման է ենթարկվել ոստիկանության Նաիրիի բաժին: Կատարվում է հետաքննություն: Այս մասին հաղորդում է ՀՀ ոստիկանության պաշտոնական կայքը:
