Կիևից սխալմամբ Ադրբեջան ուղարկված ՀՀ քաղաքացին արդեն Կիևում է
Քիչ առաջ ֆոտոլրագրող Գագիկ Շամշյանը հայտնեց, որ Ասատուր Խաչատրյանը բարեհաջող իջել է Կիև, մայրը՝ Անուշ Խաչատրյանն արդեն խոսել է որդու հետ և իր շնորհակալությունն է հայտնում բոլոր նրանց, ովքեր օժանդակել են իր որդու վերադարձին: Այս մասին հաղորդում է shamshyan.com կայքը:
Հիշեցնենք, որ երեկ shamshyan.com-ի հետ կապ էր հաստատել Անուշ Խաչատրյանը և հայտնել, որ իր որդուն՝ 22-ամյա Ասատուր Խաչատրյանին հուլիսի 22-ին ուղարկել էր Ուկրաինա՝ Կիև՝ իրենց բարեկամների տուն, սակայն այնպես էր ստացվել, որ Ա. Խաչատրյանին հուլիսի 24-ին սխալմամբ Կիևից ուղարկել էին Ադրբեջանի մայրաքաղաք Բաքու:
