Հացատուն՝ կինոթատրոնի փոխարեն. մամուլ
«Լոռու մարզկենտրոն Վանաձոր քաղաքում գոյություն ունեցող նախկին «Երևան» կինոթատրոնի տեղում այժմ «Մատինյանի նշխար» ռոմանտիկ անվամբ հացատուն է գործում»,- գրում է «Ժողովուրդ» օրաթերթը և շարունակում.
«Ասել է թե՝ երբեմնի մշակութային օջախը մի քանի տարի է, ինչ բոլորովին այլ նպատակի է ծառայում: Եվ հիմա այդ շենքից ամեն օր տարածվում է հացի անուշ բուրմունքը:
Իհարկե, հաց թխելու համար կարելի էր նաև այլ շենք ընտրել, բայց ժամանակին մարզային հարկային տեսչության պետ Արմեն Սարուխանյանին հենց այդ շենքն էր գրավել:
Իհարկե, Վանաձորի քաղաքապետարանի ու մարզպետարանի վերևի տարածքում տարիներ առաջ սկսվեցին նոր կինոթատրոնի շենքի կառուցման աշխատանքները: Սակայն այդպես էլ ավարտին չհասան, և հիմա այդ շենքը հիմնականում որպես հանրային զուգարան է օգտագործվում»:
Ամբողջական հոդվածը՝ «Ժողովուրդի» այսօրվա համարում:
