Կբավարարի՞ ՀՀԿ-ի խիզախությունը. մամուլ
«Առավոտ» օրաթերթը գրում է. «ԲՀԿ խորհրդարանական խմբակցությունը, ելնելով ստեղծված բարդագույն սոցիալ-տնտեսական իրավիճակից, բավականին կտրուկ օրենսդրական նախաձեռնություններ ունի, որոնց մասին կհայտարարվի արդեն օգոստոսի կեսերին: Երեկ «Առավոտի» հետ զրույցում այդ մասին տեղեկացրեց ԲՀԿ մամուլի խոսնակ Տիգրան Ուրիխանյանը:
ԲՀԿ-ի նախաձեռնությունները վերաբերում են «կտրուկ, ռադիկալ» բարեփոխումների իրականացմանը. «Տեսնենք՝ կբավարարի՞ քաղաքական մեծամասնության և խորհրդարանական այլ գործընկերների խիզախությունը դրան միանալու: Այն աստիճանականությունը, որը մարդկանց եկամուտների ապահովման հարցում որդեգել էր քաղաքական մեծամասնությունը, այլևս աննպատակահարմար է և բերել է պայթյունավտանգ սոցիալական իրավիճակի»»:
Տ. Ուրիխանյանի հետ ամբողջական հարցազրույցը կաող եք կարդալ «Առավոտի» այսօրվա համարում:
