Mercedes-ի վարորդը Չարենցի փողոցում վրաերթի է ենթարկել հետիոտնին և ավտոմեքենան թողնելով՝ դիմել փախուստի
Այսօր՝ հուլիսի 22-ին, վրաերթ է տեղի ունեցել Երևանում: Ժամը 21:00-ի սահմաններում Mercedes մակնիշի 38 OS 888 համարանիշի ավտոմեքենայի վարորդը Չարենցի թիվ 9 շենքի դիմաց վրաերթի է ենթարկել հետիոտնին: Այս մասին հաղորդում է shamshyan.com կայքը:
Ինչպես վրաերթի վայրից հայտնում է ֆոտոլրագրող Գագիկ Շամշյանը, վրաերթի ենթարկվածը, որը կլինի 65-70 տարեկան տղամարդ, տեղափոխվել է թիվ 1 համալսարանական հիվանդանոց:
Mercedes-ի վարորդը, ավտոմեքենան թողնելով վրաերթի վայրում, ըստ նախնական տեղեկությունների, դիմել է փախուստի: Ոստիկանները ավտոմեքենայի մեջ գտել են նշված ավտոմեքենայի տեխնիկական անձնագիրը, որը գրանցված է Լևոն Առուստամյանի անվամբ, ինչպես նաև 35-ամյա Լևոն Առուստամյան անվամբ վարորդական իրավունքի վկայական:
Մանրամասները՝ այստեղ:
