Հուլիսի 21-ին Մարտակերտի շրջհիվանդանոցից ոստիկանության շրջբաժին հաղորդում է ստացվել այն մասին, որ գլխուղեղի ցնցում, փակ գանգուղեղային, կրծքավանդակի եւ ստորին ծնոտի սալջարդ վնասվածքներով իրենց մոտ է տեղափոխվել Պողոսագոմեր գյուղի բնակիչ, 1981թ. ծնված Ա. Ա-ն («Բեյզ-Մեթըլս» ՓԲԸ «Կաշենի» հանքավայրի շինարարության վարպետ):
Ինչպես հայտնում է ԼՂՀ ԿԱ ոստիկանության կայքը, պարզվել է, որ Ա. Ա-ն վնասվածքները ստացել է նույն օրը, ժամը 13:00-ի սահմաններում, նշված հանքավայրում բետոնամղիչի բարձր ճնշման ռետինե խողովակները իրարից անջատելու ժամանակ ստացած հարվածից:
