Բարսելոնայի նոր գլխավոր մարզչի անունը կհրապարակվի առաջիկա օրերին
Իսպանիայի չեմպիոն «Բարսելոնայի» նախագահ Սանդրո Ռոսելը հայտարարել է, որ Տիտո Վիլանովան այլևս չի մարզի կատալոնական ակումբը: Հատուկ հրավիրված մամուլի ասուլիսի ժամանակ Ռոսելը շնորհակալություն է հայտնել Վիլանովային: Այս մասին հաղորդում է Marca-ն:
«Տիտոն բուժումը շարունակելու և հիվանդության դեմ պայքարելու հնարավորություն ունի, սակայն դա անհամատեղելի է գլխավոր մարզչի աշխատանքի հետ: Բոլորին խնդրում եմ, որ այս պահից սկսած ավելի հարգալից վերաբերվել նրան և չմիջամտել նրա անձնական կյանքին»,- ասել է Ռոսելն ու հավելել, որ «Բարսելոնայի» նոր մարզչի անունը կհրապարակվի առաջիկա օրերին:
