Apple ընկերությունը տեխնոլոգիա է մշակում, որը հնարավորություն կտա բաց թողնել հեռուստագովազդը
Apple ընկերությունը տեխնոլոգիա է մշակում, որը հնարավորություն կտա Apple TV մուլտիմեդիոն նվագարկիչի օգտատերերին, բաց թողնել գովազգային բլոկները` հեռուստաալիքները նայելիս: Այս մասին հաղորդում է Bloomberg գործակալությունը` վկայակոչելով իրազեկ աղբյուրներին:
Նշվում է, որ հնարավոր է՝ Apple-ը կփոխհատուցի հեռուստաալիքներին պատճառած կորուստների համար, հանդիսատեսի կրճատման պատճառով: Apple ընկերության ղեկավար Թիմ Կուկը նշել է, որ հեռուստատեսությունը հանդիսանում է ընկերության հիմնական ուղղություններից մեկը, և, որ ինքը մտադիր է փոխել հեռուստացույց դիտելու ողջ ընթացքը, ինչն, ընդհանուր առմամբ, չի փոխվել վերջին 10 կամ անգամ 20 տարիների ընթացքում:
Motorola Mobility անցկացրած հետազոտությունների համաձայն`ԱՄՆ բնակիչների 25%-ի կարծիքով՝ սիրված հաղորդումները առանց գովազդային դադարի դիտելը հանդիսանում է տեսանվագարկչի վաճառքի հիմնական պատճառը:
2012 թվականի մարտին Dish Network արբանյակային հեռուստատեսության օպերատորը ներկայացրել է իր սեփական Hopper TV սարքավորումը, որը հնարավորություն է տալիս բաց թողնել գովազդը: Այդ սարքի համար խոշորագույն մեդիաընկերությունը մատակարարին դատի է տալիս:
