Ավտովթար Ֆլորենցիա» ռեստորանային համալիրի մոտ. կան վիրավորներ

Այսօր՝ հուլիսի 19-ին, ավտովթար է տեղի ունեցել Երևանում: Ժամը 13:00-ի սահմաններում Հրազդանի կիրճում՝ «Ֆլորենցիա» ռեստորանային համալիրի մոտ, բախվել են Մուշեղ Սաֆարյանի վարած Hyundai մակնիշի 99 ՏՍ 909 համարանիշի և Մանվել Խաչիկյանի վարած Lexus մակնիշի 52 ՈՕ 555 համարանիշի ավտոմեքենաները: Ինչպես վթարի վայրից հայտնում է shamshyan.com-ը, վթարի հետևանքով երկու վարորդները տեղափոխվել են հիվանդանոց: Դեպքի վայր են ժամանել Ճանապարհային ոստիկանության 1-ին սպայական գումարտակի և ոստիկանության Արաբկիրի բաժնի Պարեկապահակային ծառայության աշխատակիցները: Տեղում էր նաև ՀՀ Արտակարգ իրավիճակների նախարարության փրկարար ծառայության թիվ 5 հրշեջ փրկարարական ջոկատը՝ 1 մարտական հաշվարկով, ովքեր դադարացրեցին ավտոմեքենաների գազի արտահոսքը:

Կարդացեք այստեղ.