Աղջնակի մարմինը գտնվել է առավոտյան՝ բռնի մահվան հետքերով
Ոստիկանները գտել են Նովոսիբիրսկի մարզի Բոլոտնինսկի շրջանի Սվետլայա Պոլյանա գյուղի 10 –ամյա բնակչուհու մարմինը , ով տնից հեռացել էր նախօրեին և չէր վերադարձել, հաղորդում է ՌԴ ՆԳՆ տարածաշրջանի պետական վարչությունը: Այա մասին տեղեկացնում է «Փաստինֆոն»:
Ոստիկանությանը դիմել էր աղջկա մայրը, ով հայտնել էր, որ երեխան գնացել է հարևանությամբ ապրող բարեկամների տուն: Կորած երեխայի որոնման աշխատանքներին մասնակցել են շրջանի ոստիկանության բոլոր ուժերը:
Աղջնակի մարմինը գտել են այսօր առավոտյան, բարեկամների տնից ոչ շատ հեռու գտնվող բաղնիքում՝ բռնի մահվան հետքերով: Հանցագործության մեջ կասկածվում է 36-ամյա տեղի մի բնակիչ:
Այս պահին ոստիկանները միջոցառումներ են իրականացնում սպանության մեջ կասկածվողին հայտնաբերելու ուղղությամբ:
