Վրաերթ Երևանում. վարորդը 4-ամյա երեխային տեղափոխել է հիվանդանոց

Այսօր՝ հուլիսի 16-ին, վրաերթ է տեղի ունեցել Երևանում: Ժամը 16:00-ի սահմաններում Երևանի բնակիչ 56-ամյա Լևոն Խաչատրյանը Նանսենի փողոցի թիվ 12 շենքի դիմաց իր կողմից վարած BMW-520 մակնիշի 214 LL 10 համարանիշի ավտոմեքենայով վրաերթի է ենթարկել Երևանի բնակիչ 4-ամյա Ժիրայր Գրիգորյանին:

Ինչպես հայտնում է shamshyan.com-ը, վարորդը փախուստի չի դիմել, իր մեքենայով երեխային տեղափոխել է «Սուրբ Գրիգոր Լուսավորիչ» բժշկական կենտրոն:

Քննիչի հանձնարարականով ավտոմեքենան տեղափոխվել է ՃՈ հատուկ պահպանվող տարածք:

Կայքը հայտնում է, որ իր տեղեկություններով վարորդ Լ. Խաչատրյանը աշխատում է «Միջազգային էներգետիկ կորպորացիա» ՓԲԸ-ում , իսկ նշված ավտոմեքենայի համարանիշներն էլ հաշվառված են ՀՀ Էներգետիկայի նախարարության հաշվեկշռում:

Կարդացեք այստեղ.