Վրացի «օրենքով գողը» ոստիկաններին կեղծ անձնագիր էր ներկայացրել՝ Վահան Գրիգորյանի անունով (տեսանյութ)
Ինչպես հաղորդում է «Прайм Крайм» գործակալությունը, նախօրեին Տուլայի Խորհրդային շրջանի դատարանը դատավճիռ է կայացրել ազգությամբ վրացի 44-ամյա «օրենքով գող» Դավիդ Կուրասբեդիանիի (մականունը՝ Չուտո Խոնսկիյ) գործով։ Կուրասբեդիանին մեղավոր է ճանաչվել փաստաթղթեր կեղծելու մեջ և դատապարտվել է 1 տարի 2 ամիս ազատազրկման՝ խիստ ռեժիմի գաղութում։
«Прайм Крайм»-ը հիշեցնում է, որ նախկինում բազմիցս դատապարտված Կուրասբեդիանին բերման է ենթարկվել Տուլայի ՆԳ աշխատակիցների կողմից մայիսի 21-ին։ Նրա ինքնությունը պարզել ցանկացող ոստիկաններին «օրենքով գողը» ներկայացրել է արտասահմանյան կեղծ անձնագիր՝ Վահան Գրիգորյանի անունով, սակայն իր նկարով։
