Թողարկվել է Google Maps-ի նոր տարբերակն Android-ի համար
Google ընկերությունը ներկայացրել է Google Maps 7-ը` Android օպերացիոն համակարգով աշխատող սարքավորումների համար:
Նախորդ տարի դեկտեմբեր ամսին թողարկվեց Google Maps-ը` iOS օպերացիոն համակարգով աշխատող սարքավորումների համար` նոր դիզայնով, իսկ այժմ էլ արդեն այն թողարկվում է Android-ի համար, որն ունի նույն տեսքը, սակայն, բացի այդ, ավելացվել են նոր գործառույթներ:
Օրինակ` Explore գործառույթը հնարավորություն է տալիս գտնել ռեստորանները, բարերը, հյուրանոցները և խանութները՝ անգամ առանց հարցում կատարելու, դրա համար անհրաժեշտ է միայն սեղմել որոնման տողում, և այդտեղ կհայտնվեն նկարներ`տարբեր վայրերի առաջարկություններով: Նավիգացիոն համակարգն առաջարկում է հաշվետվություններ ստանալ ճանապարհային խցանումների վերաբերյալ և օգնում է շրջանցել դրանք: Ստեղծվել է նաև վարկանշային համակարգ սովորական օգտվողների և փորձագետների համար, որը հնարավորություն կտա ընտրություն կատարել, օրինակ` ռեստորանների ցանկում:
Նշվում է նաև, որ շուտով կլինի նաև հավելածի նոր տարբերակը iOS-ի համար:
