Որոնողափրկարարական աշխատանքներն ավարտվել են. 17-ամյա Լիլիթը գտնվել է
Հուլիսի 7-ին, ժամը 00.40-ին տեղեկատվություն է ստացվել, որ Լոռու մարզի Յաղդան գյուղի բնակչուհի` 1997 թ. ծնված Լիլիթ Պողոսյանը դուրս է եկել տանից և չի վերադարձել. վերջին անգամ նրան տեսել են Յաղդան գյուղի ձորի մոտ:
Դեպքի վայր են մեկնել չորս փրկարար «Լոռե» փրկարարական ջոկատից և մարզային ՀՓՋ-ից չորս հրշեջ-փրկարար:
Հրշեջ-փրկարարները Լիլիթ Պողոսյանին հայտնաբերել են տան մոտակայքում գտնվող թփուտներում թաքնված: Այս մասին հաղորդում է ԱԻՆ պաշտոնական կայքը:
