Վրաստանը վերացրեց առանց վիզայի ռեժիմը Իրանի հետ
Վրաստանի արտգործնախարարությունը հայտարարել է, որ պաշտոնական Թբիլիսին վերացրել է երկիր առանց վիզայի մուտքի ռեժիմը Իրանի քաղաքացիների համար: Այս մասին տեղեկացնում է «Ազատություն» ռադիոկայանը:
Նախարարությունը հայտնել է, որ հուլիսի 1-ից իրանցիները Վրաստանի տարածք մտնելու համար պետք է վիզա ձեռք բերեն:
Երկու երկրների միջև կարճատև այցերի համար առանց վիզայի ռեժիմ սահմանելու համաձայնությունը ձեռք էր բերվել 2010 թվականին, այս ընթացքում Վրաստան այցելող իրանցիների թիվը քառապատիկ աճել է:
Պաշտոնական Թեհրանը դեռևս չի վերացրել առանց վիզայի ռեժիմը Վրաստանի քաղաքացիների համար:
