10 զոհված և հարյուրավոր վիրավորներ Եգիպտոսում նոր բախումների հետևանքով
Եգիպտոսի մայրաքաղաք Կահիրեում ցուցարարները ամբողջ գիշեր փողոցում մնալով պահանջել են նախագահ Մուհամեդ Մուրսիի հրաժարականը: Այս մասին հաղորդում է «Ազատություն» ռադիոկայանը:
Թեպետ հաղորդվում է, որ շատ ցուցարարներ խաղաղ են եղել, այնուամենայնիվ, բախումներ եղել են, որոնց պատճառով էլ, ըստ վերջին տվյալների, առնվազն 10 մարդ զոհվել, ավելի քան 600-ը վնասվածքներ են ստացել:
Մուրսին քննադատվում է «Մահմեդական եղբայրությանը» չափից ավելի իշխանություն տալու մեջ:
Համաձայն նախագահի խոսնակի` Մուրսին ընդունում է իր սխալները եւ դրանք ուղղելու ճանապարհին է: Այնուամենայնիվ, նա հրաժարական տալ չի պատրաստվում:
