Մանվել Գրիգորյանը չի՞ ցանկանում իր տղային տեսնել Արմավիրի մարզպետի պաշտոնում. մամուլ
Էջմիածնի քաղաքապետ Կարեն Գրիգորյանը «Ժամանակ» օրաթերթի հետ զրույցում հայտարարել է, որ Արմավիր մարզպետ դառնալու ցանկություն չունի:
-Պարոն Գրիգորյան, տեղեկություններ կան, որ Ձեր հայրը՝ Մանվել Գրիգորյանը ուզում է Ձեզ տեսնել Արմավիրի մարզպետի պաշտոնում, կարծում եք փոփխություն կլինի՞ մարզպետի պաշտոնում, նաև՝ Դուք ցանկություն ունե՞ք մարզպետ աշխատելու:
-Հարցին հարցով պատասխանե՞մ, թե՞ ուղղակի:
-Անկեղծ պատասխանեք:
-Նման ցանկություն չունեմ, ուրի՞շ:
-Խոսքը Ձեր հոր ցանկության մասին է, ասում են՝ գեներալ Մանվելն է ուզում Ձեզ տեսնել Արմավիրի մարզպետի պաշտոնում:
-Իմ հայրն էլ նման ցանկություն չունի:
-Իսկ ինչպես եք գնահատում Արմավիրի մարզպետ Աշոտ Խահրամանյանի աշխատանքը:
-Լավ:
-Քանի որ վերջին շրջանում տեղեկություններ կան նրա հնարավոր պաշտոնանկության հետ կապված:
-Ընդհանրապես մեր մոտ որ խնդիրներ են լինում, առաջին հայացքից նայում են, որ պետք է ոչ թե խնդիրը վերացնեն, այլ էդ պատասխանատուին, բայց ես ճիշտը տեսնում եմ, որ խնդիրները պետք է վերացնեն, ոչ թե պատասխանատուին գործից հանեն:
Հարցազրույցն ամբողջությամբ կարող եք կարդալ «Ժամանակի» այսօրվա համարում:
