Փոթորիկն օդ բարձրացրեց բատուտը, որի մեջ կային երեխաներ (տեսանյութ)
Թաթարստանում (Ռուսաստանի Դաշնություն) ուժեղ փոթորիկը օդ է բարձրացրել փչված ատրակցիոնը, որի եղել են երեխաներ, ինչի հետևանքով նրանցից հինգը տեղափոխվել են հիվանդանոց: Այս մասին հաղորդում է ռուսական «Lifenews» լրատվական կայքը :
Դեպքը տեղի է ունեցել հունիսի 10-ին Թաթարստանի հանրապետության Կակլի-Կուլ գյուղում կազմակերպված Սաբանտույ տոնի ժամանակ:
«Այդ պահին բատուտի վրա խաղում էին երեխաներ, երբ ուժեղ քամու հետևանքով այն բարձրացել է օդ և շրջվել: Սկսվել է խառնաշփոթ, մարդիկ, ովքեր ականատես են դարձել
միջադեպին, շտապել են փրկել երեխաներին»,-գրում է «Lifenews»-ը:
Ավելացնենք, որ փոթորիկի հետևանքով լուրջ վնասվածքներ են ստացել 3 երեխաներ և 2 մեծահասակներ, որոնք անմիջապես տեղափոխվել են Ուռուսինյան կենտրոնական հիվանդանոց:
Մանրամասները` Ռուսաստանի 1-ին հեռուստաընկերության տեսանյութում
