Վանաձորում այս զորակոչին շատացել են սրտային և նյարդային հիվանդությունները
ՀՀ ՊՆ Վանաձորի զինվորական կոմիսարիատից 30 զորակոչիկներ երեկ ճանապարհվեցին զինվորական ծառայության: Այս անգամ ամառային զորակոչը կավարտվի հուլիսի 31-ին` ի տարբերություն նախորդ տարիների, երբ հունիսի վերջին արդեն ավարտված էր լինում:
Զինկոմիսարիատում դա պատճառաբանեցին դպրոցներում միասնական քննությունների ժամկետներով, որոնց ավարտից հետո միայն պարզ կդառնա` շրջանավարտներն ընդունվե՞լ են բուհեր, թե՞ ոչ:
Այս զորակոչին հիվանդության պատճառով զինծառայությունից ազատվելու 1 դեպք կա Վանաձորում: Զինկոմիսարիատից 168.am-ին տեղեկացրին, որ նախորդների համեմատությամբ այս զորակոչին շատացել են սրտային և նյարդային հիվանդությունները:
