Միխայիլ Գորբաչովին հոսպիտալացրել են
Interfax.ru-ի փոխանցմամբ՝ ԽՍՀՄ նախկին նախագահ Միխայիլ Գորբաչովին հոսպիտալացրել են: Կայքի հաղորդմամբ՝ Գորբաչովը հոսպիտալացվել է Ռուսաստանի մայրաքաղաք Մոսկվայի հիվանդանոցներից մեկում: Աղբյուրը գրում է, որ այս մասին իրենց հաղորդել են Գորբաչովի ֆոնդից:
Միևնույն ժամանակ, նշվում է, որ հիվանդանոցում Գորբաչովը ընդհանուր հետազոտություն է անցնելու: Ըստ աղբյուրի՝ այդ հետազոտությունները Գորբաչովն անցնում է պարբերաբար՝ հաշվի առնելով այն հանգամանքը, որ վերջինս հիվանդ է շաքարային դիաբետով:
