Մանվել Գրիգորյան. «Կարող ա՞ Տարոնը մի տարում ա կուտակել էդ փողը» (լուսանկարներ)
Քաղաքապետ Տարոն Մարգարյանի երդմնակալության արարողությանը ներկա էր նաև գեներալ Մանվել Գրիգորյանը: 168.am-ը Մանվել Գրիգորյանից հետաքրքրվեց, թե Սյունիքում տեղի ունեցած կրակողները ինչպես է գնահատում: Ի պատասխան նա նշեց. «Սյունքիում ի՞նչ ա, դեպք ա, պատահել ա, կպարզեն: Շատ վատ ա, որ տենց դեպքեր են պատահում Հայաստանում. հայի հայի հետ նման դեպքեր է ունենում»:
Մանվել Գրիգորյանն անդրադարձավ նաև քաղաքապետ Տարոն Մարգարյանի գործունեությանը. «Իրա ծրագրերին այդքան լավ ծանոթ չեմ, բայց գիտեմ, որ ամեն ինչ էլ անում ա` դպրոցներ, շինարարություններ»: Լրագրողների դիտարկմանը, թե մայրաքաղաքում, օրինակ, տրանսպորտի խնդիր կա, Մ. Գրիգորյանն արձագանքեց. «Ալամ աշխարհում էլ տրանսպորտի խնդիր կա: Աշխարհում որ լավ երկիրն ուզում ես գնա, ավելի վատ է, քան Հայաստանում. պրոբկեքը մի հարյուր անգամ ավելի շատ, տրանսպորտը կայնած, կյանքը ավելի դաժան: Մոսկվայից բռնած, Լոնդոնից, Փարիզից, որտեղ ուզում ես գնա, տրանսպորտը մի քանի անգամ ավելի վատ վիճակում է, քան Հայաստանում»: Մանվել Գրիգորյանը նշեց, թե ինքը հակառակ պատկերի մասին գիտի. «Օրական տաքսիները, սերվիզները փակվում են, որ աշխատանք չկա, գործ չկա, մարդ չկա, փակվում են»: Հիշեցնելով գեներալ Գրիգորյանին քարոզարշավի ընթացքում Տարոն Մարգարյանի ունեցվածքի մասին մտահոգությունները, լրագողները հետաքրքվեցին, թե ձեզ չի՞ անհանգստացնում՝ որտեղից երիտասարդ քաղաքապետին միլիոններ: Ի պատասխան նա նշեց. «Դե չգիտեմ քանի միլիոն ունի, բայց իրա ծնողներին, իրան… կունենա էլի, ինչ ա եղել: Բա ժառանգություն կունենա, բա ի՞նչ: Իրա հերը քաղաքական գործիչ, ամեն բնագավառում աշխատած: Էն միլիոններ ունեցողներինը տարօրինակ չի, էս տարօրինակ ա՞: Հետո վերջնականապես պետք է հասկանալ, որ փող ունենալը գռեհիկություն չի»: Դիտարկմանը, թե փող ունենալը տարօրինակ չէ, կուտակման ձևն է տարօրինակ, Մանվել Գրիգորյանն արձագանքեց. «Կարող ա՞ Տարոնը մի տարում ա կուտակել էտ փողը: Թաղապետ ժամանակից էլ… դե հիմա հա էլ ունեցել են, ես շատ իմանամ` ընթացքում աշխատել ա»: Հարցին, թե ստացվում է, որ քաղաքապետ աշխատելը ձեռնտու է, գեներալը բացասական պատասխան տվեց, ապա նշեց. «Հիմա կարող ա կողքից բիզնես ունեցել են, արել են աշխատել են»:
Ինչ վերաբերում է իր առողջական վիճակին, ապա գեներալը ասաց. «Շատ լավ, էնքան, որ ով իմ առողջության մասին վատ մտածի, ուրեմն թուրքի լամուկ ա»:
Ներկայացնում ենք նաև Գագիկ Շամշյանի լուսանկարներից մի քանիսը՝ Տարոն Մարգարյանի երդմնակալության արարողությունից
