Ռոբերտ Արզումանյանը` գոլի հեղինակ
Ղազախստանի ֆուտբոլի պրեմիեր-լիգայի 14-րդ տուրում այսօր մրցաշարի առաջատար «Ակտոբե» ակումբն իր դաշտում ընդունեց պավլոդարյան «Իրտիշին»:
Խաղի առաջին րոպեներից թիմերը «բաց» ֆուտբոլ ցույց տվեցին: Վտանգավոր պահեր առաջանում էին երկու դարպասներին էլ: Հանդիպման 34-րդ րոպեին ստանդարտ դիրքից առաջին գոլի հեղինակ դարձավ «Ակտոբեի» և Հայաստանի հավաքականի պաշտպան Ռոբերտ Արզումանյանը: Սա նրա առաջին գոլն էր Ղազախստանի առաջնությունում:
Խաղի 42-րդ րոպեին հաշիվը կրկնապատկեց Յուրի Լոգվինենկոն: Դաշտի տերերը ևս մեկ գոլ խփեցին 62-րդ րոպեին: Արդյունքում, 3:0 հաշվով հաղթանակ տարավ «Ակտոբե» ակումբը:
