Ամերիկյան դատարանն արդարացրել է Պենտագոնի ղեկավարի որդուն
Ամերիկյան The Washington Post թերթի փոխանցմամբ՝ ԱՄՆ պաշտպանության նախարար Չակ Հեյգելի որդի, 20-ամյա ուսանող Զիլլեր Հեյգելի վրայից հանվել է թմրանյութեր պահելու մեղադրանքը, որը ներկայացվել էր նախորդ տարի:
Տվյալ հարցով Ֆերֆաքսի (Վիրջինիա նահանգ) շրջանային դատարանի նիստն անցկացվել է երեկ: Զիլլեր Հեյգելը որոշել է գործարք կնքել դատախազության հետ: Նա համաձայնվել է 100 ժամ հասարակական աշխատանքներ տանելուն, ինչի շնորհիվ էլ նրա վրայից հանվել է մեղադրանքը:
Պաշտպանության նախարարն անձամբ չի ներկայացել եզրափակիչ դատալսմանը, սակայն ներկա է գտնվել նախորդ դատալսումներից մեկին: Զիլլեր Հեյգելը ձերբակալվել էր 2012 թվականի հունիսին: Ոստիկանները նրան ձերբակալել էին ավտոմեքենայում երաժշտություն լսելիս և ավոտմեքենայի խուզարկման ժամանակ հայտնաբերել էին ոչ մեծ քանակությամբ թմրանյութ:
