Փհենյանը Սեուլին առաջարկել է կնքել խաղաղության պայմանագիր
Ռուսական ИТАР-ТАСС լրատվական գործակալության փոխանցմամբ՝ ԿԺԴՀ-ը Սեուլին կոչ է արել կնքել խաղաղության պայմանագիր, որը կփոխարինի 1950-1953 թվականների Կորեական պատերազմին վերջ դրած հրադադարի մասին համաձայնագրին:
Խաղաղության պայմանագիրը կնպաստի Կորեական թերակղզու կայունության հաստատմանը: Ներկայումս Փհենյանը կարծում է, որ ԱՄՆ-ը և Հարավային Կորեան մշտապես խախտում են հրադադարի մասին փաստաթղթի պայմանները, որը պահպանվել է միայն թղթի վրա:
Որպես դրա ապացույց է բերվում՝ ամերիկա-հարավկորեական համատեղ մասշտաբային զորավարժությունները, որոնք անցկացվեցին այս տարի: Դա նշանակում է, որ հրադադարի մասին համաձայնագիրը չի կարող երաշխավորել խաղաղություն:
Փհենյանի կարծիքով՝ այդ համաձայնագիրը պահպանելու Վաշինգտոնի ձգտումն արտացոլում է ԿԺԴՀ-ին ուժի միջոցով խեղդելու նրա մտադրությունը:
