Սլավոնական համալսարանում կանցկացվի կարիերայի տոնավաճառ
Հայ-Ռուսական (Սլավոնական) համալսարանի Բիզնես ինկուբատորը տեղեկացնում է, որ մայիսի 31-ին ժամը 13:00-ին համալսարանում կկազմակերպվի կարիերայի տոնավաճառ: Միջոցառման նպատակն ակտիվ, տաղանդավոր ու նպատակասլաց երիտասարդներին աշխատանքով ապահովելն է:
Միջոցառման շրջանակներում «Քի Սոլուշնզ» խորհրդատվական ընկերությունը կներկայացնի «Զբաղվածություն պրակտիկայի և վերապատրաստման միջոցով» ծրագիրը: Ավելին, Հայաստանում մի շարք առաջատար կազմակերպություններ կներկայացնեն իրենց թափուր աշխատատեղերը («Կոնվերսբանկ», «Ցեպելլին Արմենիա» և այլն):
