Թուրքիայի ու Իրանի փոխարտգործնախարարները քննարկել են Սիրիայի հարցը
Իրանական IRNA լրատվական գործակալության փոխանցմամբ՝ Թուրքիայի փոխարտգործնախարար Օմար Օնհունն Անկարայում հանդիպել է Իրանի փոխարտգործնախարար Աբբաս Արաղչիի հետ: Հանդիպման ժամանակ կողմերը քննարկել են երկկողմանի հարաբերությունների հարցը:
Երկու երկրների դիվանագետները քննարկել են նաև տարածաշրջանային ու միջազգային հարցեր: Արաղչին Թուրքիա է ժամանել իր թուրք գործընկերոջ հրավերով՝ հանդիպելու համար Խորհրդատվական հանձնաժողովի նիստի շրջանակներում, որն անցկացվում է յուրաքանչյուր վեց ամիսը մեկ անգամ:
Հանդիպումից հետո Արաղչին հայտարարել է, որ հանդիպման ամենակարևոր թեմաներից մեկը հանդիսացել է Սիրիական ճգնաժամը:
