«Իմեդի» հեռուստաալիքի ղեկավարին ձերբակալել են Բաքվի օդանավակայանում՝ ԼՂՀ կատարած այցելության համար. աղբյուր
Ադրբեջանական Turan լրատվական գործակալության փոխանցմամբ՝ վրացական «Իմեդի» հեռուստաալիքի ղեկավար Մարգարիտա Ախվլեդիանիին թույլ չեն տվել մուտք գործել Ադրբեջան:
Նրան ձերբակալել են Բաքվի օդանավակայանում՝ Թբիլիսիից ժամանելիս: Դրա պատճառը եղել է այն, որ Ախվլեդիանիի անձնագրում նշված է եղել ԼՂՀ կատարած այցելության մասին: Այս մասին հայտնել են Facebook-յան աղբյուրները:
Այս տեղեկատվության հաստատման համար գործակալությանը չի հաջողվել մեկնաբանություն ստանալ ո՛չ վրացական դեսպանատնից, ո՛չ էլ Սահմանային ծառայությունից:
