ԵՄ-ը կործանում է իր էներգետիկ ինդուստրիան. GDF Suez
Ֆրանսիական Le Monde թերթին տված հարցազրույցի ժամանակ GDF Suez ընկերության գլխավոր տնօրեն Ժերար Մեստրալեն հայտարարել է, որ ԵՄ-ի իշխանությունների վարած ներկայիս քաղաքականությունը սպառնում է հանգեցնել Եվրոպայի ողջ էներգետիկ ոլորտի կրախին.
«Իրավիճակն այնպիսին է, որ ներկայումս Եվրոպան ոչնչացրել է իր էներգետիկ ինդուստրիայի մի մասը: Անհրաժեշտ է անհապաղ վերանայել այդ քաղաքականությունը, դրա նպատակներն ու միջոցները:
Մենք խնդրում ենք ոչ թե սուբսիդիաներ, այլ՝ թափանցիկ, կայուն ու միասնական կանոններ, իսկ դրա հետ հավասար որոշակի առաջադրանքներ՝ մինչև 2030 թվականը գլոբալ տաքացման դեմ պայքարի ոլորտում որոշակի առաջադրանքներ:
ԵՄ-ի իշխանությունները չեն կարողացել հաջողության հասնել էներգետիկ ոլորտի առանցքային և ոչ մի խնդրում, որոնց թվում են նաև գլոբալ տաքացումը, մրցունակության բարձրացումը և էներգակիրների մատակարարման անվտանգության ապահովումը:
Այլընտրանքային էներգետիկայի ձեռնարկությունների նկատմամբ ցուցաբերվող չափազանց մեծ աջակցությունը միայն ավելացնում է ընդհանրապես տվյալ սեկտորի անկայունությունը:
Գազով աշխատող էլեկտրակայանները դառնում են ավելի քիչ մրցունակ, և միևնույն ժամանակ քամու և արևային էլեկտրակայաններից էներգիայի մատակարարումները շարունակում են մնալ անհուսալի»:
