Ռուսաստանը մտադիր է հետագայում նույնպես նպաստել Ղարաբաղյան հակամարտության կարգավորմանը. Լավրով
Ռուսական Россия 24 հեռուստաալիքի փոխանցմամբ՝ Ռուսաստանի արտգործնախարար Սերգեյ Լավրովը Մոսկվայում հանդիպել է Ադրբեջանի արտգործնախարար Էլմար Մամեդյարովի հետ: Հանդիպումից հետո կազմակերպված համատեղ մամուլի ասուլիսի ժամանակ Լավրովն անդրադարձել է Ղարաբաղյան հակամարտության կարգավորման խնդրին.
«Ռուսաստանը մտադիր է հետագայում նույնպես նպաստել Ղարաբաղյան հակամարտության կարգավորմանը: Ռուսաստանի համար շատ կարևոր է տարածաշրջանի կայունությունը, մենք ամենաակտիվ դերակատարությունն ենք ունեցել հակամարտության կարգավորման մեջ, և փորձում ենք կարգավորման գործընթացն առաջ տանել տարբեր ձևաչափերով:
Որպես համանախագահող երկիր՝ մենք շարունակում ենք ակտիվորեն աշխատել հակամարտող կողմերի միջև փոխզիջման փնտրտուքով: Առաջադրանքը կայանում է հակամարտության կարգավորման սկզբունքների մասին ձեռք բերված համաձայնությունը գործնական հարթություն տեղափոխելում: Մենք ամեն կերպ պայմաններ ենք ստեղծելու այդ խնդրի լուծման համար»:
Էլմար Մամեդյարովը երկօրյա պաշտոնական այցով Մոսկվա է մեկնել երեկ:
