Իրանում ETTELAAT-ը վնասազերծել է ահաբեկչական երկու խմբի
Իրանական Fars լրատվական գործակալության փոխանցմամբ՝ Իրանի անվտանգության, հետախուզության ու տեղեկատվության նախարարությունը (ETTELAAT) հայտարարություն է տարածել, որում նշել է, որ թշնամիները ցանկանում են հունիսի 14-ին կայանալիք նախագահական ընտրությունների նախաշեմին անկարգություններ հրահրել երկրում:
Հայտարարության մեջ նաև նշված է, որ ETTELAAT-ը կանխել է սադրիչ փորձեր և վնասազերծել է ահաբեկչական երկու խմբի, որոնք երկրի արևմտյան ու արևելյան սահմաններին զբաղված էին զենքի մաքսանենգությամբ: Նրանց մոտ հայտնաբերվել ու առգրավվել են «Կոլտ» տիպի ատրճանականեր, արկեր և այլն: Ահաբեկիչներին հանձնել են դատարանին:
