Կաննի երեք ֆավորիտները (տեսանյութ)
Կաննի 66-րդ կինոփառատոնի 6-րդ օրվա արդյունքներով, դեռևս երեք ժապավեն է համարվում «Ոսկե արմավենու» հիմնական հավակնորդ:
Screen ամսագրի վարկանիշով, մայիսի 20-ին չինացի ռեժիսոր Ցզյան Չժանկեի «Մեղքի հպումը» ժապավենն իր դիրքերը զիջել է ամերիկացի աշխարհահռչակ Իթան և Ջոել Քոեն եղբայրների նոր գործին՝ «Լյուին Դևիսի ներսում»:
Ամսագրի վարկանիշային աղյուսակի երրորդ տեղում իրանցի ռեժիսոր Ասգար Ֆարհադին է՝ ֆրանսիական արտադրության «Անցյալը» ժապավենով:
Սակայն մեկ այլ՝ Le Film Francais հեղինակավոր ամսագրի համաձայն՝ Քոեն եղբայրների ֆիլմին չի հաջողվել գերազանցել «Անցյալը» ընտանեկան դրամայի վարկանիշը. վերջինս շարունակում է մնալ աղյուսակի առաջատարը: Երկրորդ տեղում «Լյուին Դևիսի ներսում» ժապավենն է, իսկ երրորդում՝ չինացի ռեժիսորինը:
Նյութի տեսանյութում ներկայացված է «Անցյալը» ֆիլմի թրեյլերը։
«Լյուին Դևիսի ներսում» ֆիլմի թրեյլերը կարող եք դիտել այս հղումով։
