Լևոն Արոնյանը զբաղեցրեց 5-րդ տեղը. Ստավանգեր

Նորվեգական Ստավանգեր քաղաքում ավարտվեց շախմատային գերմրցաշարը, որին մասնակցում էր նաև  Լևոն Արոնյանը: Հայաստանի ուժեղագույն գրոսմայստերը վերջին տուրում ոչ-ոքի խաղաց ՖԻԴԵ-ի վարկանիշային աղյուսակը գլխավորող նորվեգացի Մագնուս Կարլսենի հետ և վաստակած 5 միավորով զբաղեցրեց 5-րդ տեղը: Կարլսենը 5.5 միավորով 2-րդն է:

Չեմպիոնի կոչումը նվաճեց ռուս Սերգեյ Կարյակինը, ով վերջին տուրում ոչ-ոքի խաղաց բուլղարացի Վեսելին Թոփալովի հետ և մրցաշարն ավարտեց 6 միավորով:

Լավագույն եռյակը եզրափակեց ԱՄՆ-ը ներկայացնող Հիկարու Նակամուրան, նա այսօր հաղթեց նորվեգացի Ջոն Լյուդվիգ Համերին և միայն լրացուցիչ ցուցանիշներով ետ մնաց Կարլսենից:

Վերջին տուրում կայացած պարտիաներում գրանցվեցին հետևյալ արդյունքները.

Լևոն Արոնյան – Մագնուս Կարլսեն` 1/2

Սերգեյ Կարյակին – Վեսելին Թոփալով` 1/2

Ջոն Լյուդվիգ Համեր – Հիկարու Նակամուրա՝ 0-1

Հաո Վանգ – Վիշվանաթհան Անանդ՝ 1-0

Թեյմուր Ռաջաբով – Պյոտր Սվիդլեր՝ 1/2

Մրցաշարային աղյուսկի վերջնական տեսքը հետևյալն է.

1. Սերգեյ Կարյակին (Ռուսաստան)՝ 6 մ.

2. Մագնուս Կարլսեն (Նորվեգիա)՝ 5.5 մ.

3. Հիկարու Նակամուրա (ԱՄՆ)՝ 5.5 մ.

4. Պյոտր Սվիդլեր (Ռուսաստան) 5 մ.

5. Լևոն Արոնյան (Հայաստան)՝ 5 մ.

6. Վիշվանաթհան Անանդ (Հնդկաստան)՝ 5 մ.

7. Վանգ Հաո (Չինաստան)՝ 4.5

8. Վեսելին Թոփալով (Բուլղարիա)՝ 4 մ.

9. Թեյմուր Ռաջաբով (Ադրբեջան)՝ 3 մ.

10. Ջոն Լյուդվիգ Համեր (Նորվեգիա)՝ 1.5 մ.

Մարզական լրահոսն ապահովում է SportArmenia.com-ը