NASA-ի մասնագետները ֆիքսել են վերջին 8 տարում Լուսնին երկնաքարի բախվելու ամենախոշոր դեպքը
Ռուսական РИА Новости լրատվական գործակալության փոխանցմամբ՝ ԱՄՆ Ազգային օդատիեզերական գործակալության (NASA) մասնագետները ֆիքսել են վերջին 8 տարում Լուսնին երկնաքարի բախվելու ամենախոշոր դեպքը:
Երկնաքարն ընկել է Անձրևների ծովը: Պայթյունն ուղեկցվել է բռնկմամբ, որը մոտ 10 անգամ ավելի պայծառ է եղել, քան ցայժմ NASA-ի մասնագետների տեսած բռնկումները: Այդ պայթյունը համարժեք է եղել 5 տոննա տրոտիլի պայթյունին:
NASA-ի մասնագետները 2005 թվականից սկսած՝ հետևում են Լուսնի վրա երկնաքարերի ընկնելուն և արդեն իսկ ֆիքսել են ավելի քան 300 նման դեպք:
