Թուրքիան ու Ինդոնեզիան համատեղ կստեղծեն նոր զրահամեքենա
Jane’s-ի փոխանցմամբ՝ Թուրքիայի ու Ինդոնեզիայի կառավարությունը համաձայնագիր են ստորագրել իրենց զինված ուժերի համար նախատեսված զրահամեքենայի համատեղ մշակման մասին:
Համատեղ արտադրության մեքենաները կարտադրվեն թուրքական մշակումների հիման վրա: Համաձայնագրի պայմաններով՝ զրահամեքենայի նախատիպը թողարկվելու է ծրագրի մշակման սկսվելուց մեկ տարի անց:
Նախագծին մասնակցելու են թուրքական FNSS Defence Systems և ինդոնեզական PT Pindad ընկերությունները: Հեռանկարային նախագծի մանրամասները դեռ հայտնի չեն: Չի բացառվում, որ հետագայում նախագծին կարող է մասնակցել նաև երրորդ կողմը:
