Լևոն Արոնյանը շարունակում է ընթանալ 3-րդ տեղում. Ստավանգեր

Ավարտվեց Նորվեգիայի Ստավանգեր քաղաքում ընթացող շախմատային գերմրցաշարի 7-րդ տուրը: Այսօր Հայաստանի ուժեղագույն գրոսմայստեր Լևոն Արոնյանը սևերով ոչ-ոքի խաղաց չինացի Վանգ Հաոյի հետ և վաստակած 4 միավորով շարունակում է ընթանալ մրցաշարային աղյուսակի 3-րդ տեղում:

Նույնքան միավոր ունի նաև աշխարհի գործող չեմպիոն Վիշվանաթհան անանդը, ով այս տուրում սևերով առավելության հասավ ադրբեջանցի Թեյմուր Ռաջաբովի նկատմամբ:

Հաղթանակներ տարան նաև մրցաշարային աղյուսակի միանձնյա առաջատար ռուս Սերգեյ Կարյակինն ու երկրորդ տեղում ընթացող ՖԻԴԵ-ի վարկանիշային աղյուսակը գլխավորող նորվեգացի Մագնուս Կարլսենը:

7-րդ տուրում կայացած պարտիաներում գրանցվեցին հետևյալ արդյունքները.

Վանգ Հաո – Լևոն Արոնյան՝ 1/2

Սերգեյ Կարյակին – Հիկարու Նակամուրա՝ 1-0

Ջոն Լյուդվիգ Համեր – Մագնուս Կարլսեն՝ 0-1

Թեյմուր Ռաջաբով – Վիշվանաթհան Անանդ՝ 0-1

Պյոտր Սվիդլեր – Վեսելին Թոփալով՝ 1/2

7-րդ տուր-ից հետո մրցաշարային աղյուսակն ունի հետևյալ տեսքը.

1. Սերգեյ Կարյակին (Ռուսաստան)՝ 5.5 մ.

2. Մագնուս Կարլսեն (Նորվեգիա)՝ 5 մ.

3. Լևոն Արոնյան (Հայաստան)՝ 4 մ.

4. Վիշվանաթհան Անանդ (Հնդկաստան)՝ 4 մ.

5. Պյոտր Սվիդլեր (Ռուսաստան)՝ 3.5 մ.

6. Հիկարու Նակամուրա (ԱՄՆ)՝ 3.5 մ.

7. Վեսելին Թոփալով (Բուլղարիա)՝ 3 մ.

8. Վանգ Հաո (Չինաստան)՝ 2.5 մ.

9. Թեյմուր Ռաջաբով (Ադրբեջան)՝ 2.5 մ.

10. Ջոն Լյուդվիգ Համեր (Նորվեգի)՝ 1.5 մ.

Մարզական լրահոսն ապահովում է SportArmenia.com-ը