Իրանի դատական համակարգը արդար որոշում կկայացնի ձերբակալված ադրբեջանցիների նկատմամբ. իրանցի դեսպան
Ադրբեջանական Trend լրատվական գործակալության փոխանցմամբ՝ Իրանի դատական համակարգը արդար որոշում կկայացնի Թավրիզում ձերբակալված Ադրբեջանի քաղաքացիների նկատմամբ: Այս մասին այսօր հայտարարել է Ադրբեջանում Իրանի դեսպան Մոհսեն Պակ Այինը:
Վերջինիս խոսքերով՝ Իրանն ունի իր օրենքներն ու կանոնները: Նա հավելել է, որ Խալիդա Խալիդն Իրան է այցելել որպես զբոսաշրջիկ և ձերբակալվել է ապօրինի գործողությունների համար:
Դեսպանն ընդգծել է, որ Իրանի իրավապահների կողմից նրա ձերբակալումը բացասականորեն չի ազդի երկու երկրների փոխհարաբերությունների վրա: Խալիդա Խալիդն ու նրա օգնականը Թավրիզում ձերբակալվել են ապրիլի 30-ին:
