Սիրիայում վերստին անջատվել է համացանցը
Ռուսական Интерфакс լրատվական գործակալության փոխանցմամբ՝ Սիրիայում վերստին անջատվել է համացանցը, ինչի հետևանքով չեն գործում մասնավորապես կառավարական վեբ կայքերը: Այս մասին հայտնել է ամերիկյան Renesys ընկերությունը:
Վերջինիս տվյալներով՝ Սիրիայում համացանցն անջատվել է այսօր՝ տեղական ժամանակով ժամը 10.00-ին: Դա հանգեցրել է SANA պետական լրատվական գործակալության ու սիրիական պետական հեռուստատեսության կայքերի աշխատանքի խափանմանը:
Renesys-ը հայտնել է, որ Սիրիան գլոբալ ցանցին միացված է երեք մալուխով, որոնք տանում են դեպի Լիբանան, Եգիպտոս և Կիպրոս: Սիրիայում համացանցը մեկ օրով անջատվել է մայիսի 8-ին:
