Իրանը կընտրի բարեպաշտ և Իսլամական հեղափոխության գաղափարներին հավատարիմ նախագահի. Ալի Խամենեի
Իրանական Mehr լրատվական գործակալության փոխանցմամբ՝ Իրանի գերագույն ղեկավար ու հոգևոր առաջնորդ, այաթոլլահ Ալի Խամենեին հայտարարել է, որ ազգի նպատակը հաջորդ նախագահի պաշտոնում բարեպաշտ և հեղափոխության գաղափարներին հավատարիմ մարդ ընտրելն է:
Խամենեիի խոսքերով՝ այդ նպատակն ակնհայտ է առաջիկա նախագահական ընտրություններում ազգի խանդավառության ու ակտիվ մասնակցության դեպքում: Խամենեին հավելել է, որ ընտրելու չափանիշ պետք է դառնա թեկնածուի պատրաստակամությունը՝ պաշտպանելու երկրի արժանապատվությունը և Իսլամական հեղափոխության գաղափարներին հավատարիմ գտնվելը:
Խամենեին ընդգծել է, որ ընտրողները պետք է ուշադրություն դարձնեն կարգախոսներին, որոնց հնչեցնում, սակայն չեն կարողանում կատարել թեկնածուները: Իրանում նախագահական ընտրություններն անցկացվելու են հունիսի 14-ին:
