Թուրքիայում F-16 ինքնաթիռ է կործանվել. մամուլ
Թուրքական Anadolu լրատվական գործակալության փոխանցմամբ՝ Թուրքիայում ռադարների տեսադաշտից կորել է F-16 տիպի մի կործանիչ: Վերջինս օդ է բարձրացել Ամասիայի նահանգից և թռիչքից մի քանի ժամ անց կտրվել է օդաչուի հետ կապը: Ապա Ամանոսի լեռներում կործանիչն անհետացել է ռադարի էկրանից:
Նախնական տվյալներով՝ կործանիչը վայր է ընկել և կործանվել: Որպես վթարի պատճառ է նշվում ինքնաթիռի տեխնիկական անսարքությունը: Օսմանիեի նահանգապետ Ջելալեթթին Ջերահը հայտարարել է, որ իրենց դեռ չի հաջողվել գտնել կործանված ինքնաթիռի բեկորները: Օդաչուն փրկվել է:
