Ուկրաինայի դատախազությունը վերսկսել է պատգամավորի սպանությանը Տիմոշենկոյի հնարավոր մասնակցության հետաքննումը
Ռուսական Интерфакс լրատվական գործակալության փոխանցմամբ՝ Ուկրաինայում վերսկսվել է պատգամավոր Եվգենի Շչերբանի սպանության գործով հետաքննությունը: Կասկածներ կան, որ պատգամավորի սպանությանը մասնակցել է Ուկրաինայի նախկին վարչապետ Յուլյա Տիմոշենկոն:
Այս մասին հայտնել է Ուկրաինայի դատախազությունը: Ավելի վաղ Տիմոշենկոյի փաստաբան Սերգեյ Վլասենկոն հայտարարել էր, որ հետաքննությունը կասեցված է: Դատախազությունը հայտնել է, որ հետաքննությունն իսկապես դադարեցվել է ապրիլի 26-ին, սակայն վերսկսվել է այսօր՝ մայիսի 13-ին:
Հետաքննության ժամանակ արված այդ ընդմիջումը կապված է մի շարք երկրներ միջազգային-իրավական հանձնարարականներ ուղարկելու հետ: Դրանով իսկ հետաքննությանը դադարեցումը կրել է տեխնիկական բնույթ:
Գործարար և քաղաքական գործիչ Եվգենի Շչերբանը սպանվել է 1996 թվականին, Դոնեցկի օդանավակայանում:
