Թուրքիայում տեղի ունեցած ահաբեկչությունների պատասխանատուն անձամբ Էրդողանն է. Սիրիայի տեղեկատվության նախարար
Russia Today-ին տված հարցազրույցի ժամանակ Սիրիայի տեղեկատվության նախարար Օմրան ազ-Զոուբին այսօր հայտարարել է, որ Թուրքիայում տեղի ունեցած ահաբեկչությունների համար պատասխանատու են այդ երկրի կառավարությունը և անձամբ վարչապետ Ռեջեփ Էրդողանը.
«Տեղի ունեցածի ողջ պատասխանատվությունն ընկնում է Թուրքիայի կառավարության և անձամբ Էրդողանի վրա: Նա իրավունք չունի իր քաղաքական կարիերան կառուցել թուրք և սիրիացի ժողովուրդների արյան հաշվին»:
Զոուբին ընդգծել է, որ Իսրայելը մի քանի օր առաջ հարված է հասցրել Դամասկոսի շրջանում գտնվող սիրիական ռազմական օբյեկտներին. «Դրանով իսկ Իսրայելը խախտեց իր իսկ ստորագրած զորքերի բաժանման մասին համաձայնագիրը:
Դա ահաբեկիչներին հնարավորություն տվեց Գոլանի բարձունքներով ու ապառազմականացված գոտով իրենց վիրավորներին բուժման նպատակով տեղափոխել Իսրայելի բուժհիմնարկներ»:
