Ռամին Մեհմանպարաստը հրաժարական է տվել
Ադրբեջանական APA լրատվական գործակալության փոխանցմամբ՝ Իրանի ԱԳՆ-ում տեղի են ունեցել կադրային փոփոխություններ: Ռամին Մեհմանպարաստը հրաժարական է տվել Իրանի ԱԳՆ-ի մամլո քարտուղարի պաշտոնից:
Դրա պատճառն այն է, որ նա մտադիր է մասնակցել հունիսի 14-ին կայանալիք նախագահական ընտրություններին, ինչի համար էլ մայիսի 11-ին դիմել է Իրանի ՆԳՆ-ի Ընտրական շտաբ՝ իրեն որպես թեկնածու գրանցելու համար:
Իրանի արտգործնախարար Ալի Աքբար Սալեհին Սեյեդ Աբբաս Արաղչիին նշանակել է ԱԳՆ-ի նոր մամլո քարտուղար: Արաղչին միաժամանակ հանդիսանում է Ասիայի ու Խաղաղօվկիանոսյան տարածաշրջանի գծով փոխարտգործնախարար:
