Իրանն ու Սաուդյան Արաբիան քննարկել են երկկողմանի հարաբերությունների հարցը
Իրանական IRNA լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին հանդիպել է Սաուդյան Արաբիայի արտգործնախարար, արքայազն Սաուդ ալ-Ֆայսալի հետ:
Հանդիպման ժամանակ կողմերը քննարկել են երկկողմանի հարաբերություններ և տարածաշրջանային հարցեր: Սալեհին Սաուդյան Արաբիա է մեկնել երեկ՝ մասնակցելու համար Ջիդդա քաղաքում Իսլամական համագործակցության կազմակերպության նիստին, որի գլխավոր թեման եղել է Մալիի հարցը:
Սալեհին հայտարարել է, որ Իրանը պատրաստ է օգնել Մալիում խաղաղության ու կայունության վերադարձման գործընթացին: Սաուդյան Արաբիա մեկնելուց առաջ էլ Սալեհին Թեհրանում լրագրողների հետ զրույցում հայտարարել էր, որ Իրանը պատրաստ է միջնորդի դերում հանդես գալ Սիրիայի կառավարության ու ընդդիմության միջև:
