Դիզայներ Ջորջիո Արմանիի 10 բիզնես կանոնները
Ամերիկյան «Forbes» ամսագիրը կազմել է Իտալիայի ամենահարուստ անձանցից մեկի՝ դիզայներ Ջորջիո Արմանիի 10 բիզնես կանոնները:
- Ես միշտ շատ պատասխանատու եմ եղել: Չգիտեմ՝ ինչպե՞ս կարելի է այլ կերպ աշխատել և ապրել:
- Ես նորաձևություն չեմ ստեղծում, ես միայն մարդկանց եմ հագցնում: Ինձ համար կարևորն այն է, որ մարդիկ կարողանան կրել իմ ստեղծած հագուստը:
- Ինձ դուր է գալիս մարդկանց առանձնահատուկ լինելու զգացում պարգևել:
- Ես կարծում եմ, որ շուկայում հայտնվող կեղծ բրենդերն ապացուցում են, որ մենք այնպիսի բան ենք ստեղծում, որը մարդիկ ցանկանում են կրկնօրինակել:
- Ինձ հոգնեցրել է օգնականի մասին հարցը: Վերջին 15 տարիների ընթացքում ես անընդհատ լսում եմ այդ հարցը: Իմ պատասխանը հետևյալն է՝ քանի դեռ ես այստեղ եմ, ես տնօրեն եմ:
- Միշտ պետք է կասկածել: Ես նախօրոք լսում եմ իմ աշխատակիցների կարծիքը, հետո միայն՝ որոշումներ ընդունում:
- Առանձնահատուկ որևէ բան ստեղծելու համար ձեր միտքը մշտապես պետք է ֆիքսված լինի ամենափոքր մանրուքների վրա:
- Հաղթում են համբերատարները:
- Դուք շատ ավելի գիտեք, քան կարծում եք: Դուք կարող են շատ ավելին անել, քան կարծում եք: Երբ 1985-ին մահացավ իմ բիզնես գործընկերը, շատերը կարծում էին, որ ես կփակեմ ընկերությունը: Դա անելու փոխարեն՝ ես սովորեցի անել այն, ինչ նա էր անում:
- Ամենամեծ շքեղությունը մտածածդ ասելն է:
