Ոչ մի երկիր ահաբեկչությանը չի հաղթել զենքով. Թուրքիայի փոխվարչապետ
Թուրքական Anadolu լրատվական գործակալության փոխանցմամբ՝ զենքի միջոցով անհնար է հաղթել ահաբեկչությանը, ոչ մի երկիր ահաբեկչությանը չի հաղթել զենքով: Այս մասին հայտարարել է Թուրքիայի փոխվարչապետ Բեքիր Բոզդաղը:
Վերջինիս խոսքերով՝ Թուրքիան մոտ 30 տարի պայքարում է ահաբեկիչների (նկատի ունի «Քրդստանի աշխատավորական» կուսակցությանը՝ PKK) դեմ, իսկ այժմ եկել է ժամանակը՝ կիրառելու համար այլ մեթոդներ:
Նա հավելել է, որ ահաբեկչության դեմ պայքարելը ոչ միայն կառավարության, այլև՝ ընդդիմության առաջադրանքն է՝ ընդգծելով, որ ընդդիմադիր կուսակցությունները նույնպես պետք է աջակցեն երկրից PKK-ի զինյալների դուրս գալուն:
PKK-ի զինյալները Թուրքիան լքելու գործընթացը սկսել են մայիսի 8-ին:
