Ռուսիո պատրիարք Կիրիլն այսօր պաշտոնական այցով ժամանել է Չինաստան
Ռուսական РИА Новости լրատվական գործակալության փոխանցմամբ՝ Մոսկվայի ու Համայն Ռուսիո պատրիարք Կիրիլն այսօր պաշտոնական այցով ժամանել է Չինաստան: Իր չինական այցի շրջանակներում պատրիարքն այցելելու է ուղղափառ տաճարներ և հանդիպելու է Չինաստանի ղեկավարության հետ:
Սա պատրիարք Կիրիլի առաջին այցն է Չինաստան: Պեկինի օդանավակայանում նրան դիմավորել է Չինաստանի Պետխորհրդին կից Կրոնական գործերով պետական վարչության փոխտնօրեն Չժան Լեբինն ու Չինաստանում Ռուսաստանի դեսպան Անդրեյ Դենիսովը:
Կիրիլի չինական այցը տևելու է մինչև մայիսի 15-ը: Չինաստանի տարածքում գործող Չինական ինքնավար ուղղափառ եկեղեցին Ռուս ուղղափառ եկեղեցուց անջատվել է 1950-ական թվականներին:
