Ադրբեջանի զինված ուժերը կարիք ունեն հոգեբանի հաստիքի. զինդատախազ
Ադրբեջանական Trend լրատվական գործակալության փոխանցմամբ՝ Ադրբեջանի զինդատախազությունը քրեական գործ է հարուցում և հետաքննություն է անցկացնում յուրաքանչյուր զինվորի մահվան կապակցությամբ՝ անկախ մահվան պատճառներից, և նախնական տեղեկատվություն է տրամադրում հանրությանը:
Այս մասին լրագրողների հետ զրույցում հայտարարել է Ադրբեջանի զինդատախազ Խանլար Վելիևը: Նա հավելել է, որ բանակում երբեմն ինքնասպանություններ են տեղի ունենում, որոնց պատճառը կենցաղային խնդիրներն են և որոնք կապված չեն զինծառայության հետ:
Վելիևի կարծիքով՝ բանակում զինծառայողի յուրաքանչյուր մահվան դեպք արդեն իսկ աղետ է: Նա ընդգծել է, որ Ադրբեջանի զինված ուժերը կարիք ունեն հոգեբանի հաստիքի:
