Մխիթարյանի դուբլն օգնում է Շախտյորին դուրս գալ Ուկրաինայի գավաթի եզրափակիչ (տեսանյութ)
Ուկրաինայի գավաթի կիսաեզրափակչում Դոնեցկի «Շախտյորը» հյուրընկալվելիս 4:2 հաշվով առավելության հասավ «Սևաստոպոլի» նկատմամբ և դուրս եկավ եզրափակիչ:
Հայաստանի հավաքականի առաջատար Հենրիխ Մխիթարյանը «հանքափորների» կազմում դարձավ դուբլի հեղինակ և մեկ գոլային փոխանցում կատարեց:
Հանդիպման 9-րդ րոպեին հաշիվը բացեց Լուիս Ադրիանոն, 10 րոպե անց Մխիթարյանը կրկնապատկեց այն: 37-րդ րոպեին Տկաչովը հեռահար հարվածով կրճատեց տարբերությունը:
53-րդ րոպեին աչքի ընկելու հերթը կրկին Հենրիխ Մխիթարյանինն էր, իսկ 12 րոպե անց Հենրիխը գոլային փոխանցում կատարեց Լուիս Ադրիանոյին, ով նույնպես դարձավ դուբլի հեղինակ: 68-րդ րոպեին Մխիթրայնը խաղադաշտում իր տեղը զիջեց Պատրիկին:
71-րդ րոպեին Տկաչովը հաշիվը դարձրեց 2:4, բայց տանտերերին չհաջողվեց ավելի անել: «Շախտյորը» վստահ հաղթանակ տարավ և դուրս եկավ եզրափակիչ:
